لما تكون عاوز تحقق حلم جواك.. هدف ما ..مشروع ما..طموح ما ..أمل ما... ياريت ما #تتكلمش عنه كتير قبل ماتعمله واقفل بؤقك شوية وبطل رطرطة في الكلام لأن أغلب الظن كثرة الكلام ..

حول موضوع ما قبل تحقيقة سيؤدي إلى #فشل.. الموضوع وعدم تحققه وبالتالي إحساسك بالفشل.. مطلوب منك تركز كل جهدك في كيفية تحقيق خطوات هدفك. . البعض يقولك داري على شمعتك تقيد لأن عيون الناس وحشة ومدورة وصفرا وبالتالي احتمال كلامك قبل فعلك يعرضك الحسد.

أنا لن أتناول الموضوع من هذه الزاوية... وإن كنت أؤمن بالحسد و تمني زوال نعمة الغير من الحاسد ولكني سأتناوله من المنظور التفسيري النفسي، فالإنسان فينا لو استمر يتكلم عن حاجه عاوز يعملها. فإن دافعيته لتنفيذ الحاجة دي بيكون ضعيفه جدا لأن جانب كبير من هذه الدافعية تم استثماره.. في الخيال والكلام عن الموضوع.

كذلك كلامك عن موضوع بيلفت نظر الناس.. إنك بتعمل الحاجة دي.. وده هيخليهم يسألوك في كل وقت .. عملت إيه..وماعملتش ليه..وإيه اللي مأخرك..و مستني ليه...إلخ كل هذه الأسئلة وغيرها..أنت مطالب ترد عليها فتلاقي نفسك في الأخر سايب موضوعك الاساسي وشاغل نفسك بالرد على استفسارات ده.. وتجميل صورة ذاتك أمام ده .. وتبرير فشلك وقصورك أمام ده ودي ودول.

كل ده بيستثمر طاقاتك وبيبعدك عن هدفك الأصلي.. تخيل معايا .. إنك مقولتش وماتكلمتش مع حد ..عن حاجه عاوز تعملها.. #أولا في حالة نجاحك هينبهروا بيك..لأنهم شافوا وسمعوا حاجة .. ماكانوش يتوقعوها منك لأنك ما اتكلمتش فيها معاهم.. وده في حد ذاته نجاح ممكن يسعدك سعادة كبيرة.

#ثانيا وفي حال فشلك لا قدر الله.. أهو محدش #عارف حاجة عن موضوعك.. وبالتالي مش هتلاقي حد.. لا يمص دمك..ولا ينتقدك....ولا يلومك.. ولا يضغط عليك..ولا ينتقدك ..ولا يسخر منك..ولا يشوه صورتك ..ولا يمسك عليك بأنك فاشل...هل وصلت الرسالة.... ياريت #العظماء يفعلون الكثير ولا يقولون إلا القليل والمضطربين نفسيا وانفعاليا #يقولون الكثير ولا يفعلون إلا القليل.

#مجرد _خاطرة