من أسوء أنواع الحب.. الحب المشروط.. لو عملت كذا.. أنا هحبك.. لو قولت كذا... أنا هحبك.. لو اتصرفت بالشكل ده.... أنا هحبك... لو لبست الاستايل ده.......أنا هحبك.. لو اتكلمت بالأسلوب ده...أنا هحبك.. لو خاصمت ده و صالحت ده...أنا هحبك..

طيب السؤال بقى...لو أنت اللي عاوزه مني أنا أصلا مش عاوزه ومش طايقه وضد طبيعتي.. إيه العمل والموقف ساعتها..

طبعا هتقولي .....مش هحبك والكلام ده معناه ايه..

معناه إنك علشان تخليني أحبك... يبقى لازم أعمل اللي انا مش بحبه ..لأنك انت بتحبه.. و ما اعملش اللي أنا بحبه ... لأنك أنت مابتحبوش

طيب افترض معايا بقى.. إنك بتمنعني من حاجه أنا بحبها وعاوزها.. ويمكن كمان مقدرش اتهاون ولا افرط فيها.. تفتكر إيه اللي ممكن يحصل في الحالة دي..

في الغالب هيحصل السيناريو ده.. إنك هتعملها قدامه علشان يفضل يحبك.. ومن ورا ضهره هتعمل كل اللي إنت بتحبه وعاوزة .. عرفتوا دلوقتي أضرار الحب المشروط... وعرفتوا الازدواجية بتيجي منين...

عرفتوا دلوقتي ازاي ابنك أو بنتك.. بتبقى قدامك بشكل وأسلوب وهيئة وقد يكون من وراك شكل تانييييي خالص خالص، ابحثوا عن الحب المشروط الموقفي وفكوه ودوروا عن الحب الحقيقي الدائم المستديم الباقي... لو بتحبني حب حقيقي يبقى بتحب اختلافي معاك قبل إتفاقي ...

بتحب عيوبي قبل مميزاتي... مفيش حاجه اسمها احب دي ومحبش دي. الكلام ده تقوله للجزار بتاعك... قوله أنا عاوز اللحمه الحمرا في حته والدهن في حته والعظم في حته والشغت في حته.

#أنا واحد وغير قابل #للقسمه ولا #للتجزئة

#مجرد _خاطرة