إيه اللي يخليك تبلع كلام مهين... يجرح شخصيتك وكرامتك من أي شخص..سواء كان الشخص ده قريب منك أو بعيد عنك دون ما تفكر مرة.. إنك تدافع عن نفسك وتقوله لأ أنا مش كدة.

طبعا هيطلعلنا دلوقتي ناس كتير سلبيين... هيردوا عليكم ويقولولكم ماتنزلوش لمستوى اللي بيهنكم وكأنكم مسمعتوش حاجه دي للأسف استجابة ظاهرها الرحمة وباطنها العذاب.

أنا مش عاوزك ترد عليه إهانة بإهانة مماثلة وأرفض كذلك التراشق بالألفاظ عاوزك على الأقل..تحسسه إنك قادر تدافع عن صورة ذاتك لأن صمتك في المواقف اللي زي دي.. مالهوش غير تفسير واحد عند الشخص اللي أهانك..إنك فعلا شخصية مهانه وتستحق الإهانة.

وإنك فعلا شخصية لا تجد لديها ماتدافع به عن نفسها وإنك شخصية جبانة خوافة هيافة منسحبة علشان كده لو شعرت وحسيت ان اللي قدامك، بينتهك شخصيتك وبيهينك وبيقلل منك..

رد عليه بأدب ..إنك مش كده...وصلح صورتك وانك مش هتقبل الإهانة دي منه... وانك قادر على رد الصاع صاعين...لكن ادبك وتربيتك واخلاقك هما اللي مانعينك.

#سكوتك على إهانتك..يعني المزيد من التصعيد للاهانات لك.

#مجرد _خاطرة