في صنف من البني آدمين.... عفش..والعفاشة ماسكاه من رأسه لرجليه زي السبرتو في جسم سيد سبيرتو.

في فيلم شمس الزناتي.

كل ماعبرته واديته أكتر من حجمه..

هتلاقيه يتمرع ويتنفش عليك...

علشان كده..كان أجدادنا عندهم فهم كبير

لما قالوا المثل ده..(عبر العفش. ...يتنفش)

طبعا كلمة عبر..معناها تهتم

والعفش...طبعا أنتم عارفينه. ...

و يتنفش. ..معناها ...إنه يكبر عليك...

زي الديك ما بينفش ريشة. ...

قال يعني ..ماحصلش. ...

في نمط من الناس عفشه.(بكسر العين.وتسكين الفاء)

في كلامها وسلوكها وأفكارها...

بمجرد ماتديهم شوية اهتمام وتعبرهم.

تلاقيهم على طول نفشوا ريشهم عليك.....

وتعاملوا معاك بما لا تتوقعه منهم.....

ياريت ماتهتمش بالصنف ده..

واوعى تتباسط معاهم....

وماتخلهمش يتعدوا حدودهم معاك..

أعمالهم وعدم الاهتمام

دي ناس ..مابتصدق ..تتحط في دائرة الاهتمام. ...

خير وسيلة للتعامل معهم....

عدم الإلتفات إلى ما يقولون وعدم مناقشتهم

أو حتى مجرد فتح الحوار معهم....

لأن عفاشتهم حتما ستصل إليك. ..

إنهم يتطفلون على كلمة أو رأي منك أو من غيرك ...

تجدهم بعدها ..ينسجون أفلاما وروايات ..

حول عظمتهم وامجادهم الزائفة ...

لا تلتفت إليهم ولا تعطيهم فرصة إثبات ذواتهم الهشة

عرفتوا دلوقتي. ..

ليه الناس دي بتتكبر علينا وبتتنفش...

لأننا بنعبرهم ونديهم حجم أكبر من حجمهم

#مجرد _خاطرة