اتنين ...ياريت ماتتكلمش ولا تفضفض معاهم.

بخصوص عواطفك و مشاعرك الرومانسية.

#حد ماحبش قبل كدة ....

وبيعتبر الحب حاجة هبلة ...

ملهاش أي ستين لازمة....

#وحد دماغه عملية وواقعية للنخاع.. مالوش أصلا في لغة العواطف ولا المشاعر.

لو إتكلمت مع حد من الاتنين دول تحديدا..

حتى لو كان أقرب المقربين أو الأصدقاء..

صدقني..

مش هتلاقي منهم غير موقفين كلاهما مؤلم نفسيا لك

#إما الاستخفاف بيك وبكلامك ..

وبالتالي هتلاقي نفسك بعد الفضفضة معاه مضايق وتعبان إنك اتكلمت معاه.

#إما تقديم حلول عقلية جافة لا تتناسب وطبيعة مشاعرك.

وانت أساسا مابتتكلمش علشان حل لمشكلة

بقدر انك بتتكلم وكأنك بتفكر معاه بصوت عالي.

يبقى احسنلك من الأول..

تبعد عن الصنفين دول خالص.

#مجرد _خاطرة