أنا عارف إن فيه ناس كتير صعب إنك تقولهم صلوا في بيوتكم رغم إن من السنن المهجورة أن الإمام ينادي في الأذان في حالات النوازل صلوا في رحالكم (أي في بيوتكم) بعد انتهاء الأذان او بعد قوله حي علي الفلاح..ومش هينفع تقنعهم إن ده ضرورة.. وإن النبي طلب من أصحابه أنهم يعتزلوا المصلين إذا أكلوا بصل أو ثوم ..

وإن المطر لو بل أعلى الثوب ده رخصة ليك إنك تصلي في بيتك...

إحنا أقل من إيطاليا في الإمكانات الطبية الناس هناك مش قادرة تودع أهلها اللي بيموت بيدفنوه من غير ما أهله يشوفوه ....والكثافات السكانية عندنا عالية جدا لو انتشر الفيروس في منطقة زي شبراالخيمة أو دار السلام أو إمبابة هتبقي كارثة حقيقية.

طيب إيه الحل اللي ممكن تعملوا مع الناس ده.؟ وخصوصا إن أغلبهم من كبار السن اللي اعتادوا المساجد وكلهم أهل خير ..

ونحسبهم من الصالحين .. وإحنا فعلا محتاجين دعواتهم.. يبقي لازم ننبه عليهم إن اللي يدخل المسجد لازم يلبس كمامة غير كدة ما يدخلش ويا ريت يبقي فيه متطوعين من أهل الخير يوزعوا كمامات علي اللي داخل المسجد.... ويغسل إيده بالماء والصابون.... ويطهرها بالكحول... ومايقعدش غير وقت صلاة الجماعة ويخرج بعدها علي طوووول.... وماينساش يدعي لنا لحد ما تزول هذه الغمة أسال الله لي ولكم السلامة.