أنا على طول قلقان ومش مستريح... أعمل أيه في نفسي... بسيطة.... لما تكون عايش لحظتك  ومستمتع بيها.. ومابتفكرش في نفس الوقت بكرة فيه إيه.. ساعتها بس ... هتلاقي نفسك مستمتع جدا بوقتك.

لما تلاقي نفسك بتفرح و تبارك وتهني غيرك بنجاحه، ساعتها  بس.. هتلاقي نفسك من جواك صافيه وخاليه من السواد والصفار... لأنك بتفرح لنفسك و بتفرح للناس اللي حواليك.

لما تلاقي نفسك في عز نجاحك متواضع وراضي.. ساعتها هتلاقي نفسك سعيد لان ذاتك بقت طبيعية مش متضخمه.

لما تلاقي غيرك بيحبطك وحاطك في دائرة اليأس.. ماتهتمش بيه ولا تقعد معاه والميه تماما من حساباتك .. لما تلاقي نفسك مهتم بانجازاتك الشخصية.. وبطلت تحشر مناخيرك في كل صغيرة وكبيرة تخص غيرك.

لما تلاقي نفسك قادر تقول وتعبر عن اللي جواك وانت مش قلقان ولا خايف...

#مجرد _خاطرة