سبع شخصيات ، ياريت ما تتكلمش ولا تفضفض معاهم.. في أي موضوع #شخصي# يخصك.

ولا كمان تستشيرهم في مشكلاتك...  حتى لو كانوا قريبين منك علشان ماترجعش تندم.

#شخص فاشل فشل كبير ومتكرر في نفس مشكلتك.. تفتكر عنده إيه ممكن يفيدك بيه وفيه.. ماهو لو كان عنده حاجه مفيده كان أفاد نفسه.

#شخص بيحقد عليك وبيغير منك.. هل يعقل إن حقود بالشكل ده ممكن يسمعك.. علشان يفيدك..قطعا لأ.

#شخص غير متزن انفعاليا وغير واثق من نفسه.. إزاي ممكن حد مهزوز ومتقلب يقدملك رأي سديد.

#شخص خبراته في الحياة ضعيفة، تفتكر إزاي تنتظر منه رأي أو مشورة ... وهو خام عديم الخبرة والممارسة

#شخص مفيش بينه وبينك خبرات مشتركة سابقة.

إزاي تأمن لحد تتكلم معاه عن أسرارك ومشكلاتك الشخصية.. وإنت مش مالي أيدك منه ولا واثق فيه

#شخص خفيف مابيتبلش في بؤه فوله.. ده بقى هيفضحك ويلم عليك إللي ما يشتري يتفرج.

#شخص بينتمي لناس بينك وبينهم عداوه.. لإنه من السهل استقطابه لضربك من ورا ضهرك..

#مجرد_ خاطرة