الموت علينا حق.. ماذا بينك وبين الله يا هيثم.. النهاردة مصر كلها.. اللي يعرفك واللي مايعرفكش.. زعل على فراقك ورحيلك... ويدعون الله لك بالرحمة.. عزيزي هيثم أحمد زكي.. رحيلك أثار بداخل كل واحد فينا... شوية أفكار منذ لحظة مماتك .. إلى لحظة موراة جثمانك الثرى.

أول حاجة يا هيثم... إنك رحلت لملاقاة ربك.. وأنت في ريعان شبابك يابني... وكأنك أردت أن تذكر الغافلين والمنافقين.. أن الموت لا يفرق بين كبير وصغير.. إذا جاء أجلهم لا يستقدمون ساعة ولا يستأخرون.

شكرا ياهيثم وأنت في عالم أفضل منا إن شاء الله.. تاني حاجة ياهيثم... خليت كل واحد فينا يفكر فيها.. إن أهل الواحد مش أبوه وأمه وأخواته وأفراد أسرته وأهله بس.. اتأخرت كتير لحد جثمانه ما طلع.. لأن مفيش حد من أهلك استلمك يابني.. لأ.. تعاطف قلوب المصريين معاك في وفاتك النهاردة.

بينت قد إيه المصريين قلوبها جميلة.. تعاطفا معك وكأنهم أهلك.. يقرأون القرآن تصدقا لك وعليك... ويدعون الله لك بالرحمات.

تالت حاجة ياهيثم... موتك وأنت لوحدك ومحدش جنبك ولا حاسس بيك.. وكأنك بتبعتلنا رسالة قربوا من بعض.. واسألوا عن بعض... الموت والرحيل قريب قوي منا كلنا رحمة الله عليك ياهيثم.

مواطن مصري بيحبك ويدعو لك بالرحمة من الرحمن.