لو أنت الشخصية دي.. يبقى عندك الكسيثيميا، في ناس كتير بنقابلها في الحياة مش عارفين ولا متأكدين، إذا كانوا بيحبونا ولا بيكرهونا، عاوزين يقربوا منا والا يبعدوا عنا، ومش كده وبس مابيقدروش يتعرفوا على مشاعرهم الذاتية.

أقوله طيب أنت غضبان دلوقتي والا مضغوط والا مشتت، إجابة ما أعرفش، الشخص ده عنده مشكلة كبيرة، مابيقدروش يعبروا عن مشاعرهم وحبهم واحاسيسهم  للي بيحبوهم وده بيسبب له مشاكل كتير قوي أنهم بيتهموا بالجفاف والبرود العاطفي، وهم مش كدة خالص من جواهم، لما تتكلم معاهم تلاقي خيالهم محدود وضيق...

لما تكلمهم في موضوع تلاقيهم سطحيين قوي، لا تفكير عميق، ولا تركيز زيادة ولا انتباه شديد علشان كدة.. لو بتحبهم ومهتم بيهم.. ياريت ماتقولوهمش إيه رائيكم؟.. نعمل إيه؟ لأ..أنت تفكر وتقولهم تختاروا دي وإلا دي.. على طول بيفكروا في التفاصيل الصغيرة والتافهة لأى موضوع بتكلمهم فيه.. وييسرحوا في التفاصيل لدرجة انهم بينسوا الموضوع الأصلي.

لو أنت البني أدم ده.. أو لو تعرف حد بالصفات والخصائص دي. يبقى عندك أو عنده  الكسيثيميا.