قال الإعلامي محمد موسى، إن أهم عنصر في تنفيذ المخططات التي تستهدف المنطقة العربية هو تغيير الصورة الذهنية عند الشعوب في أنظمتهم الحاكمة بتقارير حقوق الإنسان المضروبة والمغرضة شوية وبالشائعات لإيقاع الشعوب في انظمته السياسية، معقبا: "عشان يخلصوا علينا ذاتياً وبأيدينا وبدون ما يدفعوا جنيه بل بالعكس احنا اللي بندفع لهم من قوت أوطنا تمن السلاح اللي بيبعوه لنا عشان نموت بعض به وهما يدخلوا ياخدوا التورتة علي نضيف بدون ما يوسخوا أيديهم".
وأضاف محمد موسى خلال تقديم برنامج "خط أحمر" على قناة الحدث اليوم، لازم نفهم ونعرف الأيام السودة اللي بتتجهز لنا نحن العرب مش لمصر بس .. للكل .. أنا عارف أن جيش مصر قوي وعفي وقادر يحميها بس أنتم كشعب مصر عليكم دور متسمحوش لأي أشاعه تقلبنا علي بعض ومتسمحوش لجرذان الإعلام الإخواني يلعبوا ويصطادوا في المية العكرة لأنهم جوه المخطط وهما اللي بينفذوه ولا فارق عندهم مصر ولا السعودية ولا الكويت ولا البحرين ولا سوريا ولا أي بلد اللي فارق عنده الدولار .. لأنهم عبيد للدولار".
تابع:" الجولاني سايب إسرائيل تحتل أراضي جديدة جنب الجولان ومضربش عليهم طلقة واحدة رغم أنهم دمروا البنية العسكرية للجيش السوري وهو عامل نفسه مش شايف .. ليه لأنه قطعة في لعبة الشطرنج بتتحرك مكان ما الأوامر تجيلها .. بدليل كلامة، إن دخول الجيش الإسرائيلي إلى الأرضي السورية يتم بالتنسيق معهم .. يعني انت راضي علي تدمير الجيش السوري ومعداته وأدواته اللي محتاجة مليارات عشان تجيب زيها تاني .. وراضي عن احتلال الصهاينة لأراضي السورية المتاخمة لهضبة الجولان ؟