عرض الإعلامي محمد موسى، مقطع فيديو لأحد المشاهد الصعبة والمؤلمة، إثر التهام كلب لقطة في أحد الكمبوندات بمدينة 6 أكتوبر مما أثار الذعر والخوف بين السكان.
وأضاف محمد موسى خلال تقديم برنامج "خط أحمر" على قناة الحدث اليوم،: "الكلاب اللي بيربيها بعض الناس بمنازلها بينتج عنه مشاكل مختلفة وشوفنا قبل كده كلب عض حد وكان سبب في وفاته في أحد الكمبوندات ووقائع كتير مشابهه للكلام ده ولكن للأسف مفيش حد بيتعظ ولا بيتعامل مع الموضوع بحكمة ولا في حد بيشوف أن الكلب اللي عنده ممكن يكون بيكدر سلم جيرانه .. واقعه جديدة في كمبوند بالم هيلز بمدينة 6 أكتوبر لأحد سكان الكمبوند اللي كانت واخده كلبها بتمشيه وفجأة الكلب دخل إحدى فلل الكمبوند وانقض علي قطة وعقرها ومسبهاش إلا وهو ومخلص عليها".
تابع: "صاحبة الكلب ماسكاه وماشيه به ودخلت بيت ناس والكلب سابقها وبيدور علي فريسته وللأسف دخل موظف أمن الكمبوند ظهر القطة للكلب وفي لحظة انقض الكلب عليها والتهمها والكل واقف يتفرج وأصحاب البيت طلعوا علي صريخ القطة وهما كمان جالهم حالة انهيار بسبب المشهد الفظيع اللي قدامنا علي الشاشة .. وكمان الكلب كان بيتفسح في الكمبوند بدون ما يكون مكمم زي التعليمات ما بتقول".