حذر الإعلامي محمد موسى، وسائل الإعلام من خطورة من يطلقون على أنفسهم بلوجر أو يوتيوبر، مضيفا: "للأسف بنقع في الفخ يا أما باستضافتهم أو إن قناة تشغل حد منهم ويطلع علي الشاشة وينسب نفسه لمهنة أهم ما يحكمها الأخلاق والقيم .. مهنة في الأساس رسالة".
وأضاف محمد موسى خلال تقديم برنامج "خط أحمر" على قناة الحدث اليوم، : "الناس اللي بيسموا نفسهم بلوجر أو يوتيوبر دول أخطر ناس علي مجتمعنا لأنهم باختصار شديد لوثوا المجتمع بموبقاتهم اللي بينشروها علي مواقع السوشيال ميديا .. وللأسف أحنا اللي بنساعدهم بوضعهم في الصورة أو إنشاء صورة ذهنية لهم بعتبرها زي غسيل الوش".
تابع: "يا منتج يا سينمائي لما تجيب حد من الناس دي وتشغله في عمل فني لمجرد أنه بقا بلوجر أو يوتيوبر فأنت كده بتضر بالأسرة الفنية والفن المصري ومينفعش نفتح المجال للناس دي في أي مجال .. لأنك باختصار بتفرض الناس دي أكتر علي الجمهور .. وكفاية فضايحهم اللي مبتخلصش".