كشف الإعلامي محمد موسى، سر الثراء السريع جدا للبلوجرز واليوتيوبرز، موضحا أن الأمر ليس كما يقال أو يروج له بأن مصدر ثرواتهم من تطبيق التيك توك مقابل اللايفات والهدايا التي يحصلون عليها.
وقال محمد موسى خلال تقديم برنامج "خط أحمر" على قناة الحدث اليوم، "الحقيقة مش كدة خالص وموضوع الاهداءات علي التيك توك سواء كان أسد ولا وردة ولا كل الكلام الفاضي ده هيجيب كل الفلوس دي وبالعربي كده محدش هيهادي حد ميعرفوش مثلاً بـ 200 ألف دولار ولا 300 ألف دولار كل كام يوم لكن الحكاية هي عمليات غسيل أموال مسروقة من بنوك أجنبية بتحصل بطريقة شيطانية".
تابع،: "يعني في واحد يكون قاعد في أمريكا أو أوروبا بيسرق بيانات بطاقة أكسبريس أو أي بطاقة بنكية ويروح داخل بالاتفاق مع أي بلوجر أو يوتيوبر ويتفق معاه يبعتله المبلغ المتفق عليه علي حسابه علي التيك توك مقابل نسبة هياخدها البلوجر من المبلغ المحول له من الحرامي اللي في الخارج وبعد كده الفلوس تدخل في حساب في إحدى الدول العربية مثلاً في دولة معينة معروف عنها مؤخراً ان الحكاية دي بتحصل من خلال بنوكها وترجع الفلوس مرة تانية للحرامي اللي في الخارج مخصوم منها نسبة البلوجر التي تصل في العملية الواحدة مليون واتنين مليون يستفيد بهم البلوجر أو اليوتيوبر وهكذا تدور الدائرة وكل يومين تلاتة يعمله عمليتين تلاتة".