دخل الإعلامي محمد موسى، العالم الخفي للمافيا السرية لمن يسمون أنفسهم بالبلوجرز واليوتيوبرز علي تطبيق التيك توك، مفجر مفاجأة عن سر الثراء السريع لهم.
وقال محمد موسى خلال تقديم برنامج "خط أحمر" على قناة الحدث اليوم،: "كلنا بنستغرب لما بنشوف واحد ولا واحدة على منصات التواصل كلنا ممكن نكون عارفينه أو عارفينها وفجأة نلاقيهم راكبين عربيات أخر موديل وساكنين في فلل وقصور وبقى عندهم أرصدة في البنوك بعشرات الملايين وكلنا فاكرين أنهم بيعملوا الفلوس دي من كثرة المشاهدات والتحديات على تطبيق التيك توك".
تابع،: "الحقيقة مش كدة خالص وموضوع الاهداءات علي التيك توك سواء كان أسد ولا وردة ولا كل الكلام الفاضي ده هيجيب كل الفلوس دي وبالعربي كده محدش هيهادي حد ميعرفوش مثلاً بـ 200 ألف دولار ولا 300 ألف دولار كل كام يوم لكن الحكاية هي عمليات غسيل أموال مسروقة من بنوك أجنبية بتحصل بطريقة شيطانية".