نفى الإعلامي محمد موسى، ما يتردد على منصات التواصل الاجتماعي بشأن حصول مؤدي المهرجانات عصام صاصا على حكم بالبراءة في قضية اتهامه بدهس مواطن وقتله أعلى الطريق الدائري.

وأضاف محمد موسى خلال تقديم برنامج "خط أحمر" على قناة الحدث اليوم،: "مفيش الكلام ده لأن التحقيقات مخلصتش لسه في النيابة ومنزلش جلسة لسه وأعتقد أنه هيكون مصيرة سيء جداً ولن يفلت إلا في حالة واحدة وهي أن أهل المتوفي يتنازلوا عن قضيتهم وأعتقد أن ده مش هيحصل وحتي لو تنازلوا فمش هيفلت من عقاب قيادة السيارة وهو تحت تأثير المخدر.. القانون في بلدنا سيفه قاطع وحازم وفي الحق أعمي ولا يري إلا العدالة".
تابع محمد موسى،: "عصام صاصا كان سايق عربيته وهو تحت تأثير المخدر وبرضه ده مش كلامي لكن ده كلام تقرير الطب الشرعي الخاص بالمدعو عصام صاصا اللي طلع إيجابي مخدرات .. يعني مينفعش يسوق .. لكن الغريب أن صاصا من الواضح أنه مش واخد باله أن في أسرة كاملة انهارت بسبب فقد عائلها".