حذر الإعلامي محمد موسى، مشاهديه من خطورة متابعة البلوجرز واليوتيوبرز، قائلا: "مبيعديش أسبوع اللي ونلاقي بلوة من بلاوي شوية العواطلية اللي بيسموا نفسهم بلوجر أو يوتيوبرز يا أما متورطين في أعمال منافية للآداب أو النصب على المواطنين أو تفخيخ المجتمع بفيديوهات خارجة أو نشر كلام قبيح".
وأضاف محمد موسى خلال تقديم برنامج "خط أحمر" على قناة الحدث اليوم، "مستنقع البلوجر ميعرفوش يكونوا محترمين.. والحقيقة هما هيبقوا محترمين ازاي.. الناس دي مش بتاع شقى وتعب وعرق جبين الناس دي عايز الربح السهل ويكونوه بأي طريقة غير قانونية والحقيقة أنا بشبهم بالستات اللي بيقولوا عنهم ريكلام لأنهم بيرموا نفسهم في حضن أي سكة تجيب فلوس وخلاص زي الركلام بتكون مع اللي هيدفع".
وأوضح "موسى" أن هناك عدد من المواطنين تقدموا ببلاغات لنيابة الأموال العامة بالتجمع الخامس، ضد فود بلوجر شهير على السوشيال ميديا، يدعى محمد.ع، يتهمونه بالنصب عليهم في مبلغ 50 مليون جنيه بحجة تشغيلها لهم في مطاعم شهيرة على حد قول دفاعهم.