ما تخليش حبك  لأي حد

مهما كانت مكانة الحد ده..

تمنعك عن لومه وعتابه لو قصر معاك...

أو تعدى حد من حدودك غصب عنك ومش برضاك.

قال إيه.... إنت بتحبه ومش عاوز تجرحه..

وخايف يزعل منك.. ويمكن يرحل عنك..

لأ....

الموضوع مش كده خالص... إذا كان المثل بيقول..

إن كنتم أخوات اتحاسبوا..

هل في درجة أكتر من حب الإخوة لبعضهم البعض..

قطعا لأ...

ومع ذلك لا تمنع تلك العاطفة الأخوية من حسابهم ولومهم وعتابهم لبعض.

نفس الفكرة بين المحبين... (الحبيب/ المحبوب)

اختلافكم في الآراء و الأفكار و التصورات حاجة ماتخوفش

إللي يخوف بصحيح..

إنكم ماتكشفوش زعلكم لبعض  وتتصافوا أول بأول.

أو إصرار طرف إنه هو إللي بيفهم والتاني مابيفهمش.

أو هو إللي بياخد القرار و التاني بينفذ...

أو هو الحكيم العاقل المتزن  والتاني الأهوك والمتوتر.

عاوزين حبكم  لبعض يكبر ويستمر..

صارحوا بعض أول بأول عن ردود أفعالك بصدق لبعض

وصفوا إللي بينكم أول بأول..

ولو حبيبك بيحبك بصحيح...

هتلاقيه بيكلمك وبيعاتبك وبيلومك...

والخوف كل الخوف إنه ما يعملش كده ويبعد عنك.

علشان كده...

لو لقيت نصك رامي طوبتك..

لا بيعاتبك ولا بيلومك ولا بيقول إنك ضايقته..

اعرف ساعتها.. إنك مالكش مكان جواه...

حاول تفهم ياغبي.. ده اسم مسرحية مش شتيمة

مجرد خاطرة