ممكن تحطيلي الأكل ...

في طقم الأركوبال ...

اللي موجود في النيش..

لأ..النيش ده علشان الضيوف..

طيب ممكن تديني معلقة..

من الطقم الألماني للشوك والسكاكين..

الموجود في درج النيش.

لأ...النيش ده علشان الضيوف..

طيب ممكن تناوليني كاس..

من الكاسات الكريستال الفرنسية..

المترصص بقاله سنين في اللي مايتسماش النيش

اتطفح فيه شويه ميه أو عصير...

لأ...النيش ده علشان الضيوف

طيب ممكن تديني فوطة...

من الموجودة في النيش

لأ.. النيش ده علشان الضيوف.

طيب ممكن لما نيجي نتغدا..

تطلعي طقم البايركس المدهب...

علشان نتطفح فيه..أنا والعيال

لأ..الحاجات دي اللي في النيش للضيوف

ويفضل لغز النيش... على الحال ده ..

لحد مالعيال تكبر وتتجوز وكمان يخلفوا

و محدش يقدر يقرب من النيش ده ..

كأنه قدس الأقداس.. وسر الأسرار

و تمر السنين ويفضل النيش زي ماهو.

ولو حسبت كام مره النيش ده بيتفتح...

هتلاقي مرة كل سنة..

وتحديدا يوم واحد في رمضان..

أنا شخصيا..مابسألش حد...

باخد قراري على طول وأروح فاتح النيش..

وأطلع أجمل حاجه تقع عليها عيني.

أكواب..كاسات..أطباق ..شوك..سكاكين

..فوط...فناجيل....أي حاجة و استخدمها

السؤال

مين اللي اقنعنا أن النيش باللي فيه..

من المحرمات على أهل البيت...

وحلال للضيوف

السؤال التاني...

هو الضيف اللي هيطفح في الحاجات الموجوده في النيش ده.

أحسن وأفضل مني ومن ولادي في إيه

كفايه بقى..

مظهره وفشخرة كدابة...

# افتحوا النيش #

واستمتعوا بكل اللي فيه #

# كلوا على السفرة وماتخافوش#

#واللي يتكسر هاتوا غيره#

خليك محضر خير ..ههههههههه