عارف إيه أكبر أكذوبة.. بتضحك بيها على نفسك... إن في واحد في حياتك.. بتوقف سعادتك وتعاستك عليه.

لو قالك كلمة حلوة.. تعيش السعادة والأفراح.. وإن قالك كلمة تزعلك تلاقي الدنيا كلها أسودت واتقفلت.

لازم تتخلص من الفكرة الغلط دي.. واللي لو سيطرت عليك.. ستجد نفسك طول عمرك واقع تحت رحمة حد بيتحكم فيك ويسيطر عليك.

مين إللي اقنعك إن وجعك ومعاناتك.. مش هيخف...ولا هيقل... إلا لما حد معين في حياتك يطبطب عليك ويحتويك.. لازم تعرف...إن مفيش حد في الدنيا..ممكن يكون حاسس .. باللي فيك ...غيرك إنت وحدك... آه..ممكن يشاركك ويتعاطف معاك بعض الوقت.

لكن مش بنفس إحساسك ..لأ..لأ..لأ... علشان كده.. خليك قوي وماتعتمدش على أي حد يسندك... إنت مش طفل ولا قاصر...قوم لملم بقاياك المبعثرة.. واستكمل بقية طريقك واوعى تتسول أو تشحت نظرة عطف .. من أي حد علشان يجي يسندك.

#مجرد _خاطرة
ا.د.فتحي الشرقاوي