ممكن تبقي زوجة جميلة وجذابة..

ممكن تبقي زوجة محترمة و فاضلة..

ممكن تبقى زوجة مرنة ومتفهمة وذكية

ممكن تبقى زوجة حكيمة ومدبرة..

ممكن تبقي أم  لعيال و متزنة وعاقلة..

ومع كل  المميزات دي.

ممكن  تكون لجوزها زوجة فاشلة...

وجوزها مابيطيقش وجودها...

و مابيحبش يقعد في أي حتة هى موجودة فيها..

ولا يطيقش يسمع منها كلمة..

وبيلاقى راحته وهو بعيد عنك..

عارفه ليه ياهانم..

لأنك بتتعاملي معاه كأنك أمه...

كأنه عيل من بقية عيالك..

يعمل غلط.. تأنبيه كأنه طفل..

مايجيبش حاجة طالباها منه..

ياخد في جنابه ما لذ وطاب من السخرية .

أوامر ونواهي وتهديدات وعقابات..

كل كلامك معاه بيحسسه إنه بيبي صغير...

فاقد الأهليه والرشد..

وحضرتك على طول الحكيمة إللي بتدي حقن

إنت بس إللي عارفه مصلحته..

وهو طايش ومش مركز و ما بيعرفش مصلحته..

إنت المدبرة وهو المسرف..

خليتي جوزك زي أي عيل من عيالك..

بيعملك أي حاجة إنت عاوزاها وهو قدامك.

وبيعمل كل إللي نفسه فيه لما بيكون بعيد عنك..

مش قولتلك إنت بقيتي زي أمه..

وهو بمرور الوقت بقى زي عيل من عيالك..

خليكي حبيبه لجوزك.. مش صورة أمه..

دور الأم دي تخليه لعيالك.. يا فاشلة...

وبعدين ما ترجعيش تعيطي..

لما يدور على واحدة بيشوف معاها..

نفسه حبيب مش طفل...

مجرد خاطرة