كشف المنتج جمال العدل، حقيقة تفضيله "الشللية" والإنتاج لأسماء محددة دون عن الفنانين الآخرين، موضحًا: "مش بالظبط كده، لكن عندنا أبطال وبطلات للشركة، ليّ دور معاهم وهم لهم دور في الشركة، بنكمل مشوارنا مع بعض، وبالتالي، المنطق الطبيعي، لو قدرتي أنتج 2 مسلسل أو 3 مسلسلات سأكون مهتما ببطولاتي".

وأضاف العدل -في حواره مع الإعلامية بسمة وهبة مقدمة برنامج "العرافة"، على قناة المحور-: "لو في قدرة إني أنتج مسلسلات أكتر ممكن أعمل لغيرهم، لكن لو معنديش إلا كوتة معينة هفضل الأبطال اللي بيشتغلوا معايا".

وتابع: "أتعاون مع يسرا منذ 20 سنة، ومفيش بطلة وشركة إنتاج اشتغلوا مع بعض كل هذه الفترة، وهذا الأمر يحسب ليّ، وبيني وبين نيللي كريم كيميا ونجاحات مشتركة".