كشف عمر كمال، عن رأيه في قرار نقابة المهن الموسيقية بمنع مطربي المهرجانات عن الغناء.

وأضاف عمر كمال خلال لقائه ببرنامج "الحكاية" الذي يقدمه الإعلامي عمرو أديب بقناة "إم بي سي مصر": "عندي حل للخناقة الدايرة دلوقتي بين نقابة الموسيقيين ومطربي المهرجانات، تتمثل في عمل شعبة للمهرجانات مثلما تم إنشاء شعبة للراب".

وتابع: "زي ما وافقنا على عمل شعبة لفن الراب لازم يتعمل شعبة للمهرجانات، واحتواء مؤدي المهرجانات وتقنين أوضاعهم وعمل تصاريح ليهم، والمهرجانات بقت مسيطرة على الساحة لأن مفيش احتواء ليها".

ولفت: "أنا مع الفنان هاني شاكر إن فيه كلام مينفعش يتقال، وفيه ناس مينفعش تغني، ولكن لازم نحتوي الناس بتاعت المهرجانات".

وأشار: "اتعلمت الأدب بعد ما اتوقفت 9 شهور بسبب لفظ "خمور وحشيش" في أغنية "بنت الجيران"، وحمو بيكا لازم ياخد كارنيه مؤدي مهرجانات، واللي يوقفه قدام لجنة استماع للأصوات زي حلمي بكر يبقى بيظلمه".