لو كنت إنت فَرْاس....فإستحمل..
أنا مش باقي على حاجه...
لو كنت فاكر نفسك ذكي ودماغك سم...
فأنا بقولك... ساعتها انا لا هيهمني انت ..
ولا هيهمني الناس هيشوفوني ازاي....
ردي عليك هيكون الصاع عشره مش صاعين
في حياتك حد مستفز بجد...صفراوي...
يفضل يستفزك من تحت لتحت مره بكلمة
مره بتلئيح ..مره بتعبير وجهي وصوتي..
الغريب
انه ممكن ينرفزك ويولعك ..
وإنت ماتقدرش تمسك عليه حاجه تدينه...
إنت متأكد بس إنه بيفرسك وبيغيظك وبيحرق دمك
وانت عمال تمسك نفسك من الغيظ علشان.
ماتنفجرش في وشه..
لحد ما تيجلك لحظه بتكون بطاريتك خلصت ومعندكش بور
و تخلص فيها كل القديم مع الجديد مره واحده
ويبدأ صوتك العالي ونرفزتك وشرشحتك..
الشخص البارد الفراس ده بينتظر لحظة انفجارك
زي العيال مابينتظروا يوم العيد علشان يعملك
هيصه وزمبليطه ويفرج عليك الدنيا ويطلعك
إنت الشرير وهو الملاك ابو جناحين
بص وركز معايا...الناس الغلسه دي.
ما تخليهمش يبروزوك في صورة انك انفعالي ومتهور
وإنك على طول عصبي و غلطان في حقهم.
ويخلوك دايما في دايرة الإحساس بالذنب.
ياريت..
لما يجيوا يلوموك.قولهم وانت بتهمس في دونهم.
اللي انتم شوفتوه ده ومزعلكم مني حاجه بسيطه قووووي
من الرد اللي ممكن تشوفوه وتسمعوه مني طول ما انتم كده.
عندما تجتمع الشخصية الفَرْاسة مع الشخصية المتهورة( البايعه)...