في مجتمعنا.. الصمت مالوش إلا معنيان فقط، إما إنك خايف ... فمش قادر تتكلم، إما إنك موافق...والسكوت علامة الرضا..
تعالوا مع بعض...نشوف مبررات .. إنك تسكت وتصمت...غير المبررين دُوُلْ عن سيكولوجية الصمت..... أتحدث.
للصمت لغات ومعاني عديدة...
إنك تكون راضي بالكلام اللي بيتقالك
فمش محتاج تتكلم.....خلاص.
#إنك تبقى مقهور ومش عارف تدافع..
عن حقك فتلاقي لسانك من الذهول اتخرس
#إنك تكون مستهجن اللي بتسمعه ...
وتستخسر حتى ترد على اللي بيتقال....
و تقول في سرك ...خساره الرد عليه
#إنك خايف من ردة فعل نفسك على اللي بيكلمك
فبتسكت خوفا عليه منك...مش خوفك منه
#إنك من كتر جمال اللي بيتقالك مش عاوز
تتكلم علشان تستمتع باللي بتسمعه
#إنك تكون حاسس مهما قولت وعبرت
بردو مفيش فايده.يبقى قلة الكلام افضل
#إنك تكون شاعر بأن أفكارك أفضل بكتير..
من اللي بيتقالك.
وبالتالي بتستخسر تقول اللي عندك
#إنك بتكون صامت لأنك مش عاوز حد..
يعرف إنت بتفكر في إيه..
ولا إيه اللي بيدور في دماغك...
#إنك بتصمت لانك مصدوم ومذهول ..
من مستوى رداءة وانحطاط مستوى اللي بتسمعه.
#إنك بتصمت علشان تستكشف دماغ اللي قدامك
#إنك خجلان ومكسوف من اللي قدامك..
كل دي مبررات للصمت...
شوف انت فين منها واستخدم.كل واحده منها