تعرض الفنان تامر عاشور لحملة من الانتقادات الموجهة له من قبل مستخدمى مواقع التواصل الاجتماعى، بعد نشر صورة له من مشاركته فى إعلان أحد مستشفيات سرطان الأطفال.

وظهر تامر عاشور مع طفلة مريضة بالسرطان، وعلق ساخرا: "لا خدى انتى أنا صايم يا فاطرة .. بحبك".

وتلقى العديد من التعليقات التى تهاجمه، منها"عقبال ما تبقى مكانها وتفطر زيها طالما بتهزر وتستخف نفسك"، "انت مستوعب انت كاتب إيه"، "سخيف أوى مش حاجة تضحك ولا تستدعى الهزار على فكرة".

ورد تامر عاشور على حملة الانتقادات الموجهة إليه، وقال: "صباح الخير .. أنا طول حياتى ومشوارى عمرى ما أتريقت على حد سليم علشان أتريق على مريض حاش لله.. واللى أخد كلامى تريقة على مريض نفوسهم ضعيفة وهم اللى مرضى بيفرقوا بين المريض والشخص الطبيعى".

وتابع : "لو نزلت صورتى مع أى طفل اللى هو غير مُكلف بالصيام " وقولتله بأى طريقة متشربش مياه قدامى يا فاطر أو خد دى يا فاطر أنا صايم.. حد هيتكلم؟ مستحيل علشان طفل طبيعى
لكن المريض لاااااا منهزرش معاه زى الطبيعى علشان هو مريض ونفضل نقوله مريض مريض مريض ونحسسه بمرضه من تعاملاتنا ".