قد يفاجأ متابعي بهذا المقال..خاصة ان معظم كتاباتي.. تدور حول الجوانب النفسية والمهارات الانسانية.
وبالتالي..السؤال.. إيه اللي خلاني اجيب مروان محسن لاعب الأهلي في الموضوع.. أقولكم..وماتستغربوش.

مروان محسن أكتر لاعب في مصر بيتعرض لانتقادات وهجوم من مشجعي الأهلي انفسهم قبل مشجعي الفرق المنافسه لأنه مهاجم لايجيد احراز الاهداف مع أنه رأس حربة مهاجم صريح حتى لو كانت الأهداف المهدرة انفرادات مؤكده وسهله.

للأسف محدش سأل نفسه ليه...؟ الموضوع مالوش علاقه بمهارات اللاعب الفنية والتكتيكية واللياقة البدنية.
الموضوع كله مرتبط بالحالة النفسية للاعب في صنف من الناس عندما يشعر ان الجميع مركزين.على فشله
واخفاقه مهما كان مهارته وشطارته ونبوغه بتكون النتيجة في النهاية فشله الذريع واخفاقه الواضح بالفعل.
اهو محسن مروان نموذج من هذه الحالات.

خوفه من المشجعين ..بيخليه متوتر ومتسرع في انهاء الهجمه وبيخليه يتخلص بسرعة من الكرة لاي لاعب اخر في منطقه الجزاء و يفشل في الاستحواذ عليها.وايداعها مرمى الخصم.. كل ده خوفا من فشلة في احراز الهدف ومن ثم انتقاده من المشجعين لو شوفتم الاسست بتاعه لكهربا يوم ماتش الطلائع هتعرفوا اللي انا عاوز أقوله.

مروان محسن مش محتاج تدريبات لياقه ولا تدريبات فنيه مروان محتاج متخصص نفسي يقعد معاه، يشيل من دماغه فكرة الخوف من الفشل اللي بتجيب فشل.

مروان مش ضعيف مهاريا..والدليل على كده انه في التدريبات..بيقنع كل المدربين بمستواه سواء في الاهلي أو المنتخب ياريت ندي العيش لخبازينه ويكون في كل فريق ضمن الجهاز الفني.. اخصائي نفسي يشوف الحالات النفسية اللي بتحرك ارجل وعضلات اللاعبين.