خرج الفنان تامر حسنى للرد على شائعات انفصاله وزوجته بسمة بوسيل، بعد أيام من إعلانها وقوع خلاف بينهما على حسابها بتطبيق انستجرام.

ونشر تامر حسنى رده على الشائعات عبر خاصية الاستورى، موجها رسالة لوم وعتاب وحب لزوجته.

وقال تامر فى رسالته إلى زوجته:" بسمة حبيبتى للأسف انتى مفكرتيش كويس وسلمتى ودنك لشر السوشيال ميديا.. عشان كام تعليق كلامهم فارغ نسوكى إنك عرفتينى وأنا مشهور ودى طبيعة شغلى اللى عرفتينى وحبتينى بيها".

واستطرد:" إزاى وصلوكى للزعل والبعد فترة.. المهم أنا مش هزعل منك ولا يرضينى زعلك انتى حبيبتى وأم ولادى".

وأكد تامر حسنى إخلاصه لزوجته قائلا:" أنا فى ضهرك وسندك مهما حصل.. بس اللى عايز أقوله لعل تكون سبب خير فى توعية ناس كتير.. ليه لما أى حد بيزعل من حد بيطلع يكتب على السوشيال ميديا.. طب حتى يكلمه الأول.. ايه علاقة الناس بمشكلة شخصية بين اثنين ممكن تتحل بالتلفون أو فى زيارة رحيمة ما بينهم وياريتها مشكلة أصلا".

ونصح تامر حسنى زوجته بعدم الانسياق وراء من يحبون خراب البيوت، مشيرا إلى أنها فى السابق لم تكن تنساق وراءهم.

ودعا تامر حسنى بسمة بوسيل إلى التركيز مع كل من دعوا لهم بالخير، شاكرا كل من سعى فى الخير لهما.

ووجه تامر حسنى رسالة لزوجته قائلا:" بينا حب غالى وحياة كريمة وأولادنا وبيتنا أغلى ما فيها.. ربنا يخلينا لهم ويخليهم لينا يارب.. متهورة.. بس بحبك".