ستات وبنات... مفيش راجل في الدنيا..

ممكن يطيقها ولا يحب يقعد معاها..

ولا حتى عاوز يبص في وشها....

واحده ست لسه عايشة بعقلية طفلة صغيرة

ارتباطها بأمهاوافراد عائلتها يفوق كل تصور.

لوتطول تقعد عندهم ومعاهم 24 ساعة لجلست واتمطعت.

ولائها الأول والاخير للولية أمها بس

أفكارها في بيتها من عند أمها وبس.

كل قراراتها مع جوزها من بنات أفكار أمها وبس.

سعادة وتعاسة جوزها مرهونة باشارة واحده من امها

واحده زنانه ولحوحة ؟

مابتسبش جوزها في حاله أبداً دائما محصراه بالأسئلة

كل علامات الاستفهام المواجهه لجوزها في قاموسها.

مسكين ذلك الكائن اللى اسمه (زوج)...

لا يجد أمامه هرباً من جحيم الأسئلة..

أما البقاء أطول فترة ممكنه خارج البيت

أو يقضيها نوم بالساعات أو ياكل سد الحنك وهو قاعد معاها

أو يتلكك لها على أي حاجه ويقلبها نكد..

أو يجيله ضغط وسكر ودوالي وصداع وجرب وتساقط الشعر وروماتيزم

وبعدين يتكل على الله ويسيبلها الجمل بما حمل..هههه

وبعدين تشتكي..هو جوزي مابيحبش يقعد في البيت ليه؟.

واحدة مهملة في شكلها ومظهرها وأناقتها

صديقة حميمة لجلباب المطبخ بكل روائحه الجميلة من بصل وثوم وخلافه

شعرها على طول منكوش أو مربوط بفوطة المطبخ

تهتم بمظهرها مرتين في السنه الاولى مع العيد الصغير..

والحمومه التانية في العيدالكبير منتهزة في ذلك حموم أبناءها الصغار

لا شوية أحمر ولا أخضر ولا هباب.

كل اللي عندها على تسريحتها ازازه كولونيا خمس خمسات.

وبعدين تشتكي هو جوزي مابيحبش البيت ليه؟

واحده بينها وبين التدبير المالي خصام ..

لو معها مال قارون وملايين الدنيا تقول لجوزها..

معييش وأتصرف انت هو مش انت راجل البيت...

جوزها على طول مدن ومادد أيده للي يسوى ومايسواش.

وهى ولا هناوبعدين تشتكي هو جوزي مابيحبش البيت ليه.

واحده مهرجلة عشوائية بيتها يضرب يقلب..

زي محطه احمد حلمي برمسيس لا انت عارف الصالون من النوم من الحمام.

كله سمك لبن تمر هندي والغريب انها في حديثها مع زميلاتها.

تؤكد أنها ( فله) بضم الفاء وتسكين اللام ومايحللهاش الترويق و الغسيل

إلا وجوزها قاعد في البيت في اجازته...

وبعدين تشتكي هو جوزي مابيحبش البيت ليه..

كفايه النهاردة الأنماط الخمسة دول ونكمل في مقالنا القادم .