ياما ناس كنا مخدوعين فيهم، كنا معتقدين إنهم الرئة اللي بنتنفس منها الحياة.. والنافذة اللي بنشوف العالم من خلالهم.. عاملين زي النقش الفرعوني جوا قلوبنا وأرواحنا يصعب إزالتهم أو محوهم بأسمائهم وبرسومهم
ثم فجاة .. بينت المواقف والأحداث إنهم كانوا غير كدة خالص وبدل ما كنا بندعي ربنا مانتحرمش منهم..
ابتدينا ندعي ربنا يبعدهم بشرهم عنا.

أوعى تزعل على رحيلهم عن حياتك... وماتحزنش على فراقهم و هجرهم ليك.. وماتبكيش عليهم...
صدقني... دي ناس مايستهلوش لحظة معاناة من معاناتك.. وهتثبت ليك الأيام بس بعد جرحك ما يندمل
إن إبتعادهم عنك في التوقيت ده كان رحمه بيك مش نقمة ولا ألم ووجع عليك.. مش عاوزك تستسلم لوجعك... ولا عاوزك تفضل حابس نفسك جوه نفسك قوم دلوقتي قبل بكرة.. أشعل شموع الأمل بداخلك من جديد وأبدأ.

أثبت لنفسك انك جدير بحياة أفضل مما كانت.. صدقني.. الحياة مابتوقفش على حد..مهما كان.. أجعل شموس تفاؤلك تبدد ظلمات يأسك.. الحياة مش موحشة كما تظن وتعتقد... محدش هيحس بأنت إلا أنت... أنا أشعر بأنينك وحزنك الصامت ...اللي بيفوق ضجيج العالم كله.

بقولك بصدق ومن كل قلبي...ربنا معاك.... وخيرها في غيرها.. من حق #المكسور علينا..إننا نطيب #خاطره