زوجة في دعوى خلع : ”بيحب البلاي ستيشن أكتر مني”
تقدمت سيدة برفع دعوى طلاق ضد زوجها؛ حيث اعتبرت أنه "مدمن" للألعاب الإلكترونية كما يطالبها بالعمل للقيام بمصروفات البيت بدلًا عنه ليتفرغ هو للألعاب.
وأوضحت السيدة: " جوزي مدمن للبلاي ستيشن، بيحب قعدة البيت من غير شغل لدرجة أني حسيت انه بيحبه أكتر مني، وبيطلب مني أشتغل وأصرف على البيت "؛ مضيفة: "شهور وتعبت منه ومن تصرفاته، ضرب وإهانة وعذاب وعايشة فى جحيم، وحالتي النفسية باظت لدرجة إني قررت أطلب الطلاق".
واستطردت الزوجة: "أهلي فى البداية أقنعوني إن مينفعش أتجوز وأطلق بعد شهور، والمبرر بتاعهم الناس هتقول إيه، بس مقدرتش أستحمل، أنا عايشة مع ضرة إلكترونية، بلاي ستيشن وألعاب النت جننوه، طول الوقت قاعد مركز معاه، لدرجة إنه مؤخرًا بيطلب مني مصروف شهري".
