قال الفنان مصطفى كامل تعليقاً على صورة لمطربي المهرجانات مجدي شطة وحسن شاكوش وحمو بيكا، عرضها عليه الإعلامي محمد موسى في برنامج خط أحمر المذاع على فضائية الحدث اليوم، "شطة ده زيه زي مطربين شعبيين بيغنوا أو بيأدوا وبس، لكن لازم يختاروا كلماتهم، وطول عمرالوسط فيه ناس زي دي وكان فيه كائنات في النقابة بتساعدهم".

وأضاف كامل، أن حسن شاكوش "بيؤدي كويس لكن مخارج ألفاظه فيها عيوب وزعل مني، وبعتلي قالي شكراً يا أستاذ، ولكن لن أتراجع عن رأيي فيه"، مضيفاً "أن حمو بيكا حالة عادية ولو نقى كلامه ممكن يتحب".

وتابع كامل: "وأنا في موقعي كنقيب للموسيقيين موقفتش حد، وجبت أوكا وأورتيجا وقلت لهم لو لقيت لغة مش مظبوطة مش هسمحلكم بالإسفاف، ومديتش أي حد فيهم كارنيه لأني مش هسمح بأغنية اسمها أمك صاحبتي يالا".