عيب..تعلي صوتك على جوزك.. وتنتقديه وتردي عليه بعنف قدام حد من قرايبك ..أبوكي ماماتك أخواتك.. أو حد من أقاربه هو أو حتى معارفه مفيش حاجه أسمها أصل الناس دي قرايبنا وستر وغطاء علينا.. وعارفنا وعارفنهم .. انسي الكلام ده....خالص خالص.

لما بتتوتر العلاقات بين الأقارب وتتعكر الأجواء بينهم وتتسمم بتكون المعارك بينهم شرسة واقذر ما يكون لأنهم فاهمين وحافظين بعض قوووي إنت كده بتديهم فرصة.. أنهم يعاملوا جوزك بنفس أسلوب تعاملك معاه وبعد كده بتشتكي إن بعض قرايبك مابيتعاملوش مع جوزك بطريقة لائقه.

حضرتك..لومي نفسك قبل ماتلومي غيرك في حاجة اسمها بيتكم بيت وباب بيتقفل عليكم.. اتكلموا زي ماانتم عاوزين وبراحتكم..لكن أول ماتظهروا قدام الناس ..يبقى لازم تتقيدوا بقواعدهم ونظامهم...إيه ذنب الناس تشركوهم في مشاكلكم..كل واحد عنده اللي فيه مكفيه وزيادة.. مش ناقصين قرفك أنت وجوزك.

كمان إيه ذنب الناس يبقوا قاعدين متوترين ومشدودين.. وإذا كنت حضرتك متصورة ومتخيله..إن الناس هتقول عليك انك ست شخصية وقويه.. يبقى كده انت انسانه واهمه ودماغك مهيسه ومهسترة.. أوعي تعتقدي ولو لثانية واحدة..انهم راسمنلك شخصية الست الاسترونج انديبندنت وومان.لأ...لأ ..لأ...

إنت في دماغهم ست مااتربتيش ولا تعرفي صنف الربايه ولا الأصول ولا تتصفين بأي ملامح من ملامح الأنوثة أنت ست معنديش أي احترام وتقدير لما يطلق عليه خصوصية الحالة الزواجية اتعودي يافندم إنك تبدي وجهة نظرك لجوزك قدام الناس بشكل هادئ..

دون تجريحه أو الاقلال من شأنه قدام الناس ولو هو كان سليط اللسان معاك قدامهم يبقى تقوليله قدامهم برضو إنك بتحترميه لأنه جوزك وماينفعش تردي عليه بنفس اللهجه بتاعته لأنك حريصه عليه كشريك لحياتك.. وتسيبي المكان وتمشي.. بكدة تكوني انتصرتي لنداء العقل والاتزان الانفعالي والسلوكي ووصلتي رسالة شديدة اللهجة له بأن اسلوبه معك مش عاجبك واكتفيتي فقط بترك المكان فقط، ووصلتي رسالة لكل الحاضرين بأنك تحترمين جوزك. مابتغلطيش فيه زي مابيغلط فيك..

مرة مع التانية اكيد هيحس على دمه ..بأنك انضج واركز واثبت منه سلوكيا وانفعاليا مما قد يدفعة للإقلال من حده توتره معك بعد ذلك جربي مش هتخسري حاجه لو جربتي الأسلوب ده ما انت طول عمرك بتخسري..

كلمة أخيرة للزوج الغلاط ياريت تلم نفسك ومتراهنش كتيرعلى صبر مراتك عليك وعلى إنها متربيه وبنت ناس و أصول ممكن ببساطه شديدة..يحدث موقف منك قدام الناس.. يفقدها قدرتها على التحكم.. وساعتها ممكن ترد عليك ويكون ردها عليك قاسي بقسوة سنوات كسرة نفسها الطويلة وتبقى الخسارة في الوقت ده .. ليك وليها وعليك وعليها فادحة..

#مجرد _خاطرة