محمد الملاح يكتب .. بنت الاصول رزق
إنك تتزوج بنت من عائلة محترمه ده امر طبيعي ، لكن إنك تتزوج بنت أصول ده موضوع تاني خالص ، بنت الاصول ليها مميزات لن تجدها الا فى بنت الاصول اللى متربيه فى بيت راجل ومتربيه على ايد ام من الاساس بنت اصول .
- بنت الأصول عينيها مليانة حتى لو من بيت متواضع ماديا ، والله مالها علاقة بغنى او فقر ، دى تريية وقناعات شخصية وشبع من الاساس ، مش هاتحس معاها بإنها نفسها في الدنيا كلها وطماعه وعنيها فارغه ابدا ومصروعه على كل شىء .
- بنت الأصول تعطيها 10جنيه تحمد ربنا وتكون في عينها 100 جنيه تعيش معاك وتحمد ربنا ولو بمبلغ ضئيل من المال لا تتكبر ولا وتضايق ولا تشتكى .
- بنت الأصول لما الزمن يميل عليك تستحمل معاك مهما ضاقت الدنيا ومهما اسودت الدنيا بتلاقيها تقولك لسه الدنيا رمادي مااسودت .. بتحس معاها ان الدنيا لسه بخير .
- بنت الأصول لما يحصل مشكله بينكم ممكن تعاتبك بكلامها بس مستحيل تهينك او توطي راسك .
- بنت الاصول قبل ما تفكر بالغلط بتلاقي اصلها يردهاعن الغلط .. اصلها رمانة الميزان اللى بتوزن حياتها .
- بنت الأصول في عز زعلها منك لو تشوفك اتضايقت بتلاقيها واقفة جنبك وفى ضهرك ومعاك وسند ليك وتقولك ماتقلقش انا معاك مش هسيبك عمرها ما تتخلى عنك .
- بنت الأصول في غيابك تتكلم عليك وتمدحك أحسن مابتتكلم قدامك حتي تثبتلك وتثبت للجميع انها تحبك .
- بنت الاصول واقفة معاك وجمبك و تستحملك على الحلوة وعلى المره .
- بنت الاصول بتعملك اللي انت عايزة و بتعمل على راحتك حتي لو على حساب راحتها و اعصابها .
-بنت الاصول راجل فى الشارع وفى بيتها ست البنات .
-بنت الاصول لا يمكن تخونك ولا تخون ثقة اهلها فيها ولا تخون تربية اهلها لها بنت الاصول الحرة الخيانة متعرفهاش وتعرف يعنى ايه شرف وكرامة وعزة نفس .
-بنت الاصول لا يمكن تصغرك ابدا لا قدام حد ولا قدام نفسها .
-بنت الاصول لايمكن تقلل من شأنك قدام اهلها .
-بنت الاصول تراعى ربنا فيك وفى بيتك وفى اولادك وتحاول انها تربيهم على اللي هيا اتربت عليه "الاصول " .
-بنت الاصول لا يمكن تخرج اسرارك بره بيتك حتى ولو لاقرب الناس لها .
بنت الاصول عارفه ايه ممكن تتكلم فيه حتى مع اقرب الناس لها ماماتها وايه اللى مش ممكن تتكلم فيه مع حد مهما كان قريب منها حتى لو مامتها او اختها .
بنت الأصول بتحافظ على اسرارك وبيتك حتى قدام اقرب الناس .
-بنت الاصول ما دام خرجت من بيت ابوها وبقت فى بيتك بقيت انت كل اللى لها فحافظ عليها ومتخليهاش تزعل من نفسها فى يوم من الايام وتحس انها اختارت غلط .
-بنت الاصول لو ربنا رزقك بها حافظ عليها وحطها جوه عنيك لانها بقت عمله نادرة فى زمنا ده .
لو فى بيتك بنت أصول هنيالك ، أمك دعيالك حافظ عليها وقدرها وكن لها ابن ناس وابن اصول صدقنى الناس النضيفه بقت نادرة جدا .
واعلم :
قال رسول الله ﷺ :
"إنما النساء شقائق الرجال، ما أكرمهن إلا كريم، وما أهانهن إلا لئيم".
لو ربنا رزقك ببنت طلعها وربيها بنت أصول خلي اللي يتعامل معاها يدعى للبيت اللي رباها .. والله قناعتى الشخصية بتقول ان الام لو بنت اصول اكيد البنت هتكون بنت اصول خلى اللى يتعامل مع بنتك يبقى نفسه يبوس ايد اللي رباها .
.jpg "بنك القاهرة")
.png "بنك مصر")
