لازم نتكلم بواقعية وبإحساس بالناس اللى عايشين تحت خط الفقر ودول نسبة محترمة فى مصر لما بنقول أقعد فى البيت ده موجه للناس اللى تقدر تكفى أكل ولادها اليومى لكن اللى بيخرج عشان يرجع بخمسين ولا ستين جنيه فى اليوم عشان يكفى بيته دول ناس متعودتش تمد أيديها ولا تطلب من حد فلوس هيقعد أزاى وإننا معندناش قاعدة بيانات تقدر تحصر هذه الحالات ولا جمعيات ولا منظمات هتقدر تحمى هذه الفئات من القادم أو السيناريو الأسوء أتمنى يتم عمل تقسيم على كل محافظة ويتم عمل حصر شامل وبدء فى بناء قاعدة بيانات وممكن يساعد بنك الزكاة المصرى فى بناء هذه القاعدة لا تتنمروا على هذه الفئات فلو يستطيعوا الجلوس لجلسوا من أنفسهم لكن من يضمن لهم قوت أولادهم.