فكرة غير منطقية ومرضية كمان..

ممكن تحولك لإنسان مضطرب ...

نفسيا ومعرفيا وانفعاليا.وسلوكيا كمان.

ولو الفكرة دي  لبست في دماغك واتمكنت منك، يبقى قول على نفسيتك واعصابك يالله السلام.

الفكرة دي ايه...

إن الناس كلها لازم تحبني ..

و الناس كلها لازم تقدرني ..

و الناس كلها لازم تمتن ليا وتشكرني

و الناس كلها لازم  يعاملوني باحترام ..

والناس كلها لازم يقدروا ظروفي وأحوالي

ولو معملوش اللي أنا متوقعه منهم.

يبقى أزعل وأضايق نفسي واتوتر..

بص يا حبيبي..الفكرة الغلط دي ..

لازم تشيلها وتنزعها دلوقتي من دماغك فورا

لأن زي ما في ناس بتحبك وتتمنى التراب اللي بتمشي عليه..

في ناس تانية بيكرهوا ..

ومابيحبوش حتى يسمعوا اسمك أو يشوفوا صورتك.

يبقى أزاي عاوز النمط ده...

اللي بيحبك زي النمط ده اللي بيكرهك..

وعاوز الاتنين يحبوك ويقدروك ..

لو قربت من اللي بيقربلك..

وابتعدت عن اللي بيبعد عنك..

هتلاقي قاموس حياتك اتكنس واتنضف من كلمات.

مالهاش أي معنى زي العتاب واللوم والتبرير والتوضيح والاعتذار

ساعتها بس..

هتلاقي هموم كتير من جواك تلاشت..

واترمت من على ضهرك.

لإنك كنت بتفكر في ناس كتير ملهاش اي ستين  لازمه..

#مجرد _خاطرة