لما تحب تلبس على وشك قناع... يبقى لازم القناع ده...يبقى له شروط.

#مايكونش أكبر ولا أصغر من وشك.. يعني ماتكونش شخصية كئيبة مثلا.. والابتسامة والضحكه مخصماك، وفجأة نلاقيك.. لابس على وشك شخصية مرحة قوي.

طبعا ممكن الوش ده يدخل على حد مايعرفكش، لكن اللي بيعرفوك هيستغربوك، وساعتها هيتعاملوا معاك بغرابه واندهاش ، ومش هتكون مقنع بالنسبلهم... في الوقت ده البس قناع الانبساط، بس ما تأفورش فيه.

#خلي القناع اللي على وشك... ماشي مع الموضوع اللي بتتكلم فيه.. ومناسب مع اللي بتتكلم معاهم... وملائم مع كل اللي حواليك.

#ماتخليش القناع يسيطر عليك ويلبسك...لأن طبيعتك الحقيقية.. اللي تحت القناع اللي على وشك، هتظهر غصب عنك في اي موقف.. ساعتها...هتبان إنك كنت بتمثل.. ويبقى شكلك بايخ...قوووووي.

#مجرد خاطرة