غالبا في كل بيت وأسرة ، ثلاثة أنماط من الأبناء والبنات، ممكن يكون أولاد..وممكن يكونوا بنات..

#النمط الأول..

الولد النجم.../ البنت النجمة Star

أهو الولد ده..أو البنت دي.. واخدين كل مميزات الأسرة لصالحهم... حتى لو غلطوا أو قصروا في أي حاجة.. لحد بيعاقبهم ولا بيلفت نظرهم ولا بيجي جنبهم. هم اللي على الحجر(بكسر الحاء وتسكين الجيم) بياخدوا كل امتيازات البيت والأسرة لصالحهم.

#النمط الثاني.    .Discarded

الولد المنبوذ../ البنت المنبوذة، أهو الولد ده..أو البنت دي.. شايلين على رأسهم كل مساوئ وعيوب الأسرة كلها.. تلقيه في الحزن والنكد بيفتكروهم.. وفي الفرح والسعادة والمناسبات السعيدة والامتيازات.. تلاقيهم منسيين  تماما والكل بيتجاهلهم، ولو أي مصيبة أو مشكلة وقعت في البيت.. على طول يشاوروا عليهم حتى لو هم ملهمش أي دخل فيها.

#النمط التالت       Derelict الولد المهمش/ البنت المهمشة، أهو الواد ده..أو البنت دي.. وجودهم زي عدمهم في البيت تماما.. كأنهم هوا..لا حد بياخد باله منه لا في سعادة ولا حزن. تلاقيه ممكن يتأخر بره البيت.. ومحدش في البيت فكر ان اخوهم أو اختهم غايبه ومتأخره بره.. لما البيت يبقى مشدود في مشكلة أو مشغول في مناسبه.. تلاقى الولد المهمش أو البنت المهمش.. ملهاش أي ستين لازمه أو دور... والأسرة بتطلق على النمط ده العبيط/ العبيطه/ الأهبل/ الهبلة/الخفيف/ الخفيفة.

المهم الولاد والبنات دول.. عاملين زي الميه..لا ليهم لون ولا طعم ولا ريحة.. يا ترى أنت أي نمط من التلاته .. لما كنت ابن أو ابنه في أسرتك... طبعا في نمط من التلاته هيطلع لما يكبر... ناضج جدا ومتزن انفعاليا وسلوكيا وبيشيل المسؤلية.... تفتكروا مين الشخص ده النجم والا المنبوذ. ولا المهمش.

#مجرد_ خاطرة