فيها إيه..

لما تبعتلي الصبح أو المسا..سطر واحد...

مكتوب منك بأيدك تقولي فيه ..

صباح الخير يا دكتور فتحي..

جمعتك مباركه..سنة ميلادية أو هجرية سعيدة عليك.

أفتقدك كثيرا.. وحشتني..إزيك..

أي كلمة تنم عن شعورك ناحيتي..

تيجي على نفسك وقلبك وتكتبهالي..

بدلا من ارسالك الرهيب..

للبوستات والصور الجاهزة للصباح والمساء.

للدرجة دي بقينا منزوعي الإحساس ببعض..

طبعا البعض هايقولي.معقول هبعت واكتب.

لكل واحد بأسمه..

أقولك..

ابعت بس للي بيحس بيك وتحس بيه.

أما الباقي ده...مالهوش أي تلاتين لازمه..

ولو جينا للحق ودون أى تزوير أو نفاق اجتاعي.

ستجد أن معظم الاشخاص اللي انت نازل..

تصبح عليهم وتمسي عليهم كل يوم وتقولهم جمعتكم مباركة كل اسبوع.

وكل سنة وانتم طيبين في المناسبات..

قد يراك في نعمه وهو بجانبك..

وقد لا يكلف نفسه عناء  زيارتك لتهنئتك..

أو السؤال عنك في مرضك أو شدتك...

او الوقوف معك في محنتك.. 

إذا لماذا  إصرارك على انك تتحفه ..

كل يوم ببوستات التحية الجاهزة المعلبة.

هو انت كده..فاهم ان صباحك ومساك وصلني.

لا وحياتك..انا دلت( مسحت) كل ده ...

من غير عيني  ما تقع على اي اسم منهم.

اللي بيلفت نظري بس ..

الشخص اللي كلف نفسه عناء ارسال... رسالة مكتوبة لي انا شخصيا...

اما الباقي...هههههههههه تحميل جمايل فارغ

وياسلام لو الموضوع ده بين الأهل والأقارب

ياريت تقولي وحشتني يا دكتور فتحي..

ابرك وافضل من مليون بوست فيه كلمات وزهور والوان زاهية..

أعلم يقينا  يا من ترسل يوميا..

وأنا أقرأ هذا البوست الجاهز  منك..

إنك  أرسلته للعشرات بل للمئات من الأشخاص معي.

في الجروبات الجاهزة في موبايلك.

وبالتالي يصلني عدم إحساسك العميق..

بما ارسلته لي..

وانني لست المقصود به..

عندما تصبح المشاعر الكترونية..

يبقى على الله العوض ومنه العوض...

استقيموا يرحمنا و يرحمكم الله.