حذر الإعلامي محمد موسى، من استمرار إسرائيل في تنفيذ مخططها بإقامة دولتها الكبرى وذلك بعد سقوط دولة سوريا الشقيقة في إيدي المعارضة المسلحة.
وأضاف محمد موسى خلال تقديم برنامج "خط أحمر" على قناة الحدث اليوم، كل إرهابيي العالم هيستوطنوا بسوريا وهيديروا زمام أمورها واتفرجوا بقا علي شحنات الإرهابيين اللي هيصدروها لدول الجوار وكله بمباركة أمريكية صهيونية ماسونية عالمية.. متستغربوش.. كل ده جوه المخطط .. مخطط دولة إسرائيل الكبرى التي تمتد من النيل للفرات وطبعا اللي ميعرفش ضروري يعرف قيمة سوريا بالنسبة للمخططات الصهيونية الماسونية لأن سوريا بيسير فيها نهر الفرات الذي يمر بعدة دول منها العراق وتركيا وسوريا وضمن مخططات إسرائيل الكبرى.
تابع: "لما بنسمع جملة من النيل للفرات .. طبعا أول ما ييجي في ذهننا كلمة الفرات هنفتكر أنها العراق .. بس أحب اقولك إن نهر الفرات زي ما فيه ١١٦٠ كم في العراق فيه ٦١٠ كم في سوريا.. واللي بيحصل دلوقتي وسط الفوضى إن مشروع دولة الكيان الكبرى بيتحقق قدام عنينا ومحدش بيوقفه أو مركز معاه" .