أعرب الإعلامي محمد موسى، عن حزنه الشديد لاحتلال سلطة الكيان الإسرائيلي جبل الشيخ بدولة سوريا، وإلغاء اتفاق الهدنة ١٩٧٤م ، لافتا إلى أن مجرم الحرب نتنياهو رئيس وزراء الكيان الإسرائيلي أعلن أن الجولان أصبحت جزء لا يتجزأ منها إلى الأبد.
وأضاف محمد موسى خلال تقديم برنامج "خط أحمر" على قناة الحدث اليوم، من يوم ٨ ديسمبر وطيران الكيان بيضرب عمق سوريا.. دمر سلاح الطيران السوري.. مخازن الأسلحة .. معامل الأبحاث العلمية والأسطول البحري والغواصات وارتكبوا إبادة كاملة لمعالم الجيش السوري .. الكيان الإسرائيلي عنده بنك أهداف واضح ومحدد (ومتجهز من قبل كدة مستني اللحظة دي) علشان حتى لما ترجع دولة مش هتلاقي أصلا جيش وهتبدأ من الصفر تماما من عصر ما قبل الدولة .. وساعتها هتكون سلطة الكيان وصلت خلاص للي هي عايزاه .
تابع: "هناك خطة أخرى مجهزة لباقي الأهداف الخاصة بالوصول للنيل، الله اعلم امتى، وكل شيء عندهم مخطط له وممنهج.. وطبعا مش هنسمع أي صوت (نهائي) من الأخ أبو محمد الجولاني اللي رجع فجأة لاسمه الأصلي أحمد الشرع عشان يبقى ثوري مش شخص مطلوب لأنه إرهابي .. لا هو ولا حكومة الإسلاميين وتطبيق شرع الله التي تشكل هتنطق بأي حاجة ضد مشروع سلطة الكيان الإسرائيلي .. لأن بوضوح كل الفيلم الأمريكاني ده متفق عليه ومترتب وكل واحد عارف دوره فيه أيه" .