علق الإعلامي محمد موسى، على واقعة تعرض طفلة تبلغ من العمر 4 سنوات للضرب على رأسها بعصا خشبية على يد معلمة بدار حضانة الرحاب بالغربية.
وقال محمد موسى خلال تقديم برنامج "خط أحمر" على قناة الحدث اليوم،: "حكاية متكررة كل يوم والتاني لكن المرة دي الموضوع فيه قسوة ووحشية لأن الضحية طفلة صغيرة كل عمرها 4 سنوات وكل ذنبها أن أهلها ودوها حضانة أسمها دار الرحاب بقرية تطاي بمركز السنطة بالغربية، وتعرضت الطفلة للضرب بعصاية من مدرستها في الحضانة وكانت بتضربها بلا رحمة وبلا أي مشاعر كما لو كانت بتضرب حد كبير".
تابعه: "لو التعليم هيبقى كده يبقي بلاش نودي ولادنا مدارس لأن اللي المفروض يقدم الحنية والطبطبة في السن ده هي المدرسة اللي بتضرب البنت اللي لسه متعرفش دنيا ولا تفهم أي شئ ..طبعاً دي حضانة خاصة وليست حكومية ولكن السؤال هو أنا هدفع فلوس للحضانة وادفع دم قلبي عشان بنتي ولا أبني يضرب ولا عشان يتعلم .. الموضوع قاسي بكل المعايير ومفيش عقل يستوعبه".
أتم قائلا: "عندي للسيد وزير التربية والتعليم الدكتور محمد عبداللطيف .. رأيك إيه يا سيادة الوزير في المشهد اللي قدامنا علي الشاشة ده هل ده يرضي بنا وهل حضانة زي دي ينفع تكون ضمن العملية التعليمية".