علق الإعلامي محمد موسى، على واقعة الخطف المفبركة لعريس الدقهلية، قائلا: "اليوتيوبر والبلوجر بيستخدموا السوشيال ميديا عشان يعلوا المشاهدات واحد كان بيصور مراته أم ابنه فيديوهات ويعرضها للناس علي السوشيال ميديا عشان يتاجر بالفيديوهات ويحقق أرباح ولما يختلف مع مراته الأولي أم ابنه يعملها حلقات ويشهر بها وبسمعتها ولا هامه ابنه ولا هامه سمعة أم ابنه اللي هتفضل تطارد ابنه طول العمر.
وأضاف محمد موسى خلال تقديم برنامج "خط أحمر" على قناة الحدث اليوم،: "ولا مبدأ ولا أخلاق ولا في واحد في الدنيا يعمل كده.. لكن بتوع البلوجر واليوتيوبر معندهومش مشكلة يعملوا كل حاجة بكل رخص ودناءه المهم يحققوا فلوس ومشاهدات.. عشان كده بنبه وهفضل انبه من خطورة الناس دي علي مجتمعنا واخلاقيتنا من العواطلية اللي ملهومش شغلة ولا مشغلة غير انهم يبثوا سمومهم لتسميم المجتمع.
ووجه الإعلامي محمد موسى، التحية لوزارة الداخلية التي كشفت تفاصيل واقعة الخطف المفبركة بمنتهي السرعة وألقت القبض على عريس الغفلة.