كشف الإعلامي محمد موسى، كواليس تشاجر الفنان حميد الشاعري، وأحد الحلاقين في منطقة التجمع الخامس.
وأضاف محمد موسى خلال تقديم برنامج "خط أحمر" على قناة الحدث اليوم، "ممكن يكون الحلاق استفز الأستاذ حميد بأي طريقة وممكن يكون زعله لكن الكلام هنا عند الفنان الكبير العاقل صاحب النجومية اللي بسأله هو رمي الفلوس علي الأرض عادي بالنسبة لك يا فنان الفلوس دي اللي بنشتري بها النعمة هو ينفع نرمي النعمة على الأرض يا أخي الحلاق زعلك سيبه وأمشي".
تابع،: "الحلاق كان بيشوف شغله وحكاية أنكم اختلفتم علي شكل القصة ده مش معناه أنك ترميله أجره علي الأرض .. ده بني أدم يا فنان .. عايز أقولك أنك خسرت كتير جداً جداً بسبب تصرفك ده .. وطبعاً الحلاق يعدي الموضوع لأ طبعاً يعديه ازاي راح جايب الكاميرات بتاعته ومفرغها وطلع فيديو الخناقة علي التيك توك بهدف تشويه الفنان حميد الشاعري والفيديو أنتشر كالنار في الهشيم".