أعرب الإعلامي عن غضبه الشديد من مواقع السوشيال ميديا، لافتا إلى أنها أصبحت ملاذا للعواطلية والمنحلين والسوابق ومتعطشي الشهرة.
وأضاف محمد موسى خلال تقديم برنامج "خط أحمر" على قناة الحدث اليوم، "حتى لو كان كل اللي بيعملوه علي حساب تخريب المجتمع أهم حاجة يلموا كام الدولار .. والحقيقة المتاجرة علي مواقع السوشيال ميديا عدت كل الحدود واحد اتكلمت عنه الأسبوع اللي فات عاملين قناتين علي السوشيال بيحرض من خلالهم الأطفال علي المثلية الجنسية والحمد لله الداخلية قبضت عليه زي الأخ بتاع النهاردة حتى الريكلام وبنات الليل بقوا يسموا نفسهم بلوجر ويوتيوبر وأهو بدل ما الواحدة كانت تقعد في نايت كلوب تخدم علي الزباين أديها قاعدة قدام الكاميرا وبتبث قاذورتها وتصطاد الزباين بتوعها وكل ده خلي سمعة بلدنا زي الزفت جوه وبره".
ووجه محمد موسى التحية إلى وزارة الداخلية على جهودهم الواضحة وضوح الشمس ومواجهتهم لعديمي الأخلاق وكل هدفهم جمع الأموال.. مؤكدا، "مش هبطل كلام ومش هبطل أفضح النوعيات القذرة دي وده من مبدأ الحفاظ علي بلدنا ومجتمعنا".