شن الإعلامي محمد موسى، هجوما حاد على جماعة الإخوان بمناسبة الذكرى الـ11 لثورة 30 يونيو، قائلا: هذا الحكم الفاشي اللي لو استمر لكانت مصر زيها زي دول تانية كتير حوالينا انهارت واتفككت وبقت تحت حكم المليشيات الإخوانية المتاجرة بالدين زي اليومين دول".
وأضاف محمد موسى خلال تقديم برنامج "خط أحمر" على قناة الحدث اليوم، كنا بنجهز نفسنا كشعب لمواجهة معركة وجود وطن بيتم تجريفه من جانب جماعة لا تعرف معني كلمة وطن وخرجنا للشوارع وأديناهم درس علم العالم كله أن ملاحم الشعب المصري لا تنتهي ومش أحنا الشعب اللي يسيب بلده تنهار عشان جماعة أو فرد ولا أحنا الشعب اللي هيسمح بتجريف مقدراته أو ينساق ورا ناس كان كل همها السلطة والحكم.. ناس مبيعرفوش غير عبادة الدولار .. ناس لهم أجندات متصهينة وماسونية كانوا عايزين ينفذوها في بلدنا".
تابع، أفتكر زي اليومين دول كنا بنفكر في موضوع واحد وهو هنقدر نمشي الناس دي ولا لأ .. ولو الناس دي قعدت أيه اللي ممكن يحصل فينا وأيه المصير اللي بلدنا هتكون عليه .. وكانت الإجابة أننا نقدر .. أه .. نقدر ونص ويمكن تحالف الشعب مع كل مؤسساته الوطنية بداية من الجيش المصري العظيم بقيادة الفريق أول عبدالفتاح السيسي وزير الدفاع وقتها ومؤسسة الشرطة حققنا كل آمال شعبنا في التخلص من الفاشية الدينية ومن مكون الإرهاب الدولي اللي كان بيحكمنا تحت ستار الدين ونجحنا وعزلناهم وخضنا معارك طاحنة مع إرهابهم الخسيس في كل شبر في مصر.