عدد الإعلامي محمد موسى، الأسباب التي أدت إلى هجر الزوجة لزوجها، وانتشار هذه الظاهرة في الفترة الأخيرة.
وقال محمد موسى خلال تقديم برنامج "خط أحمر" على قناة الحدث اليوم،: "معظم بنات الجيل الجديد بيتبعوا أسلوب هجر الزوجة لزوجها وبصراحة الموضوع بقي غريب جدا و دمه تقيل أوي لأن ببساطة الموضوع أساسه عدم تربية صح و الاعتماد على التربية الحديثة و عدم اتباع الدين والعادات و التقاليد اللي اتربينا عليها و الموضوع بقى مشكلة كبيرة جدا لأن دلوقتي أي واحدة جوزها مزعلها تسيبله البيت و تمشي أو تقوله متتكلمش معايا و الكلام اللي إحنا بنشوفه منتشر في الواقع أو في المسلسلات و الأفلام".
تابع،: "الأزمة الكبيرة مش في دول بس لا ده كمان الإنترنت و بعض المنصات بقت تتحكم في البيوت و الموضوع بيبقي من سيء لأسوأ و ده كمان مش بيضر ما بين زوجين بس لا ده كمان بيضر في تربية الأطفال كمان لأن دول بيتربوا علي مشاكل و الشجرة هتفضل تكبر وتكبر لأجيال هتخلي الموضوع منتشر أكتر و أكتر".