جدد الإعلامي محمد موسى، انتقاده اللاذع إلى ما يطلقون على أنفسهم البلوجرز أواليوتيوبر، لافتا إلى أن هذه المصطلحات أصبحت مؤثرة جدا على المجتمع سواء بالإيجاب أو بالسلب لأنهم يوجهون الجمهور نحو أمور بعينها يشكلون الرأي العام .
وأضاف محمد موسى خلال تقديم برنامج "خط أحمر" على قناة الحدث اليوم، الأكثرية من البلوجرز أواليوتيوبر بيضروا المجتمع وغرضه بس الربح اللي هياخده من ورا الموضوع اللي هينشره .. لأنها في الأول و الآخر سبوبة و شغلانة اللي ملوش شغلانة والدائرة وسعت و بتشمل حاجات كتير " الفن , الثقافة , الطبخ " و منهم من اقتحم عالم الموضة و مجالات مختلفة كتير" .
تابع،: "أي حد بيعمل فيديو والفيديو بتاعه بيطلع تريند بيسمى نفسه بلوجر طيب أنت بتعمل إيه في حياتك بتقدم إيه بتفيد الناس بإيه ولا أي حاجة بقينا نشوف البنت وأمها بيطلعو يعملوا فيديوهات على التيك توك أو على أي تطبيق من تطبيقات السوشيال ميديا ويغنوا ويرقصوا ويفتحوا لايف عشان يتشهروا وياخدوا فلوس من التيك توك أو غيره ناس كتير قوي في الفترة الأخيرة ملهاش تلاتين لازمة بقينا نشوفهم بيقولوا على نفسهم بلوجر وطلعوا في التليفزيونات وعملوا إعلانات و بقي عندهم متابعين بالملايين".