من مطبخ جلسات المشكلات الزواجية

لما بتروح تتصور في أي استوديو..

المصوراتي بيطلب منك تبتسم..

علشان الصورة تطلع حلوة ومنورة..

إللي جواك ما يهمهوش...

إللي جواك ما يعرفهوش...

أهم حاجة عنده يشوف الصورة حلوة ومزهزهة..

أهو.. إحنا في الحياة دي..

ناس كتير جنبنا وحواليا وعايشين معانا..

زي الـ مصوراتي ده..

أهم حاجة نظهر قدامهم مبتسمين ومرتاحين..

أما إيه جوانا.. إيه تاعبنا.. إيه واجعنا..

ما لهمش أي دعوة..

وفي أزواج كتير متقمصين دور المصوراتي ده..

زي الزوج إللي شايف مراته تعبانه ومرهقه وموجوعة..

وعاوزها ومحتاجها في أبهى وأجمل صورة تحقيقا لرغبة ما..

ولما ما تقدرش تحقق رغبته.. يقولك بتتمنع عليا..

أنا عاوزك تبدل الأدوار.. وتتخيل للحظة..

إنك أنت إللي تعبان ياترى لو أصرت هيّ...

على طلبها وأنت غير مستعد... هيكون موقفك إيه..

عيب عليك...

أنت محتاج نضارة تتحط على عينيك..

تكشفلك أنانيتك بشكل مجسد..

من لا يرحم لا يرحم...

استقيموا يرحمنا ويرحمكم الله

مجرد خاطرة

ا.د.فتحي الشرقاوي