شخصيتين.. صعب يتوافقوا زواجيا..

وصعب كمان يشتغلوا مع بعض في مكان واحد...

الشخصية القلوقة... مع الشخصية الباردة..

#القلوقة..

كثيرة الحركة والفعل، ونادرًا مانجدها في حالة تأمل

عاوزه كل حاجة بتفكر فيها تنفذها فورًا..

أي حاجة تحصل قدامها ولو بالصدفة تسببلها توتر..

لو معملتش إللي هي عاوزاه دلوقتي تنفعل وماتسيطرش على نفسها.

عاوزه كل حاجة تمشي زي دماغها رسماها..

ولو المواضيع مشيت في سكة تانية غير دماغها..

بتبقى متوترة وكمان بتوتر إللي معاها.

بتتقمص بسرعة البرق.. وبترجع تصالح بسرعة...

#الباردة..

فراس.. جاية من الفرسة.. ممكن يشلك وإنت واقف..

لإنه بارد في كلامه معاك..

يومه بسنه.. والسنة عنده بقرن..

بطيء جدًا في استجاباته وحركاته وكل ردود أفعاله..

حاطط على قلبه مراوح و١٠ ديب فريزر ٢٠٠٠ حصان..

مبيظهرش على وشه أي ملامح للتوتر.. وشه جبس..

ما بيعرفش يشارك إللي قدامه وجدانيًا..

أهو الأتنين دول لو بقوا زوجين..

هيحصل السيناريو الكارثي إللي هقولكم عليه..

هي على طول شايفاه سلبي كسول ما بينجزش.. بروطه

وبتدعي إن ربنا ينفخ فيه شوية نشاط وحركة

هو على طول شايفها راكبها عفرت ومابتتهدش..

وبيدعي ربنا ليل نهار إن ربنا يهدها شوية..

الخلافات والاختلافات بين الأزواج..

مش كلها فلوس و مشتريات ومشاوير ومصاريف عيال..

لأ... العمود الفقري في التناغم أو التنافر بين أي أتنين..

هو سماتهم الشخصية..